Nëse shihni çarje në këmbët tuaja, me siguri supozoni se është për shkak të dehidrimit ose mungesës së lagështirës në lëkurën tuaj. Sidoqoftë, në disa raste, mund të ketë arsye të tjera pse lëkura juaj është e thatë dhe çahet në thembra.
Ne do ju tregojmë për 6 arsye të panjohura pse mund t’ju krijohen çarje në thembrat tuaja. Dhe në fund të artikullit, do të mësoni për njomjen e këmbëve që mund t’ju ndihmojë të shpëtoni shpejt nga ky problem.
Pesha e tepërt
Pse:
Këmbët tuaja mbajnë peshën e gjithë trupit tuaj. Kështu që kur të fitoni peshë shtesë, rrit presionin në zonat yndyrore nën thembrat tuaja. Në këtë rast, thembra juaj detyrohet të zgjerohet anash për të mbështetur më shumë peshë. Dhe nëse lëkura juaj ka mungesë lagështie, ajo krijon çarje.
Si ta rregulloni:
Mbajeni gjithmonë peshën tuaj brenda intervalit “normal”. Gjithashtu, kini parasysh që diabetikët priren të kenë plasaritje në thembra, kështu që kontrolloni rregullisht nivelin e sheqerit në gjak.
Mungesa e vitaminave
Pse:
Pa disa vitamina vitale, minerale dhe lëndë ushqyese të tjera, lëkura juaj thjesht nuk mund të funksionojë siç duhet dhe bëhet e thatë dhe e trashë.
Si ta rregulloni:
Shtoni më shumë ushqime të pasura me vitamina A, B3, C, E, zink dhe omega-3 acide yndyrore në dietën tuaj.
Këpucët e gabuara
Pse:
Këpucët e hapura si ose sandalet zakonisht lejojnë që dhjami nën thembrën tuaj të zgjerohet anash dhe të rrisë mundësinë e çarjes në thembra. Këpucët jo të përshtatshme dhe shollat e holla gjithashtu mund t’ju japin thembra të plasaritura dhe dhimbje.
Si ta rregulloni:
Vishni këpucë me një thembra të mbyllura që ju japin mbështetjen e duhur. Ju gjithashtu mund të bisedoni me një podiatrist për t’u siguruar që këpucët tuaja janë në madhësinë e duhur.
Menopauza
Pse:
Pas menopauzës, disa gra kanë tendencë të kenë fituar “keratoderma”, gjendje që mund të çojë në lëkurë të plasaritur në thembra dhe pjesë të tjera të trupit.
Si ta rregulloni:
Për të larguar plasaritjet në thembra, mund të provoni të aplikoni pomadë estrogjeni në mënyrë topike, por mos harroni të konsultoheni më parë me mjekun tuaj.
Një kohë shumë e gjatë në këmbë
Pse:
Qëndrimi për një periudhë të gjatë kohore, veçanërisht në dyshemetë e ngurta ose prej druri, mund të ushtrojë presion shtesë në këmbët tuaja dhe stres në lëkurën e kësaj zone.
Si ta rregulloni:
Mundohuni të shmangni qëndrimin shumë gjatë. Nëse nuk është e mundur, bëni disa ushtrime të thjeshta për të rishpërndarë presionin nga thembrat tuaja herë pas here.
Rutina e gabuar e dushit
Pse:
Banjot e gjata, shumë të nxehta ose dushet nuk janë një ide e mirë sepse uji në këmbët tuaja mund të heq vajrat natyralë nga lëkura dhe t’i bëje ato të ashpëra dhe të thata. Përveç kësaj, sapunët e ashpër dhe pastruesit mund të dëmtojnë shtresën natyrale të lëkurës.
Si ta rregulloni:
Gjithmonë përdorni ujë të ngrohtë kur bëni dush, kufizoni kohën tuaj në një banjë në 5-10 minuta për të mos humbur më shumë lagështi, pastroni këmbët me një peshqir pasi t’i keni larë dhe sigurohuni që të aplikoni një hidratues. Është gjithashtu më mirë të shmangni sapunët e ashpër ose produktet me aromë për lëkurën.
Zhytje e këmbve për të shëruar thembrat
Një zhytje e këmbëve në Listerine mund të zbusë lëkurën e vdekur në thembrat tuaja dhe ta bëjë më të lehtë t’i pastroni ato. Listerina është gjithashtu një antiseptik që qetëson lëkurën për shkak të fitokimikatëve në të si mentoli dhe timoli.
Çfarë ju duhet:
- 1 filxhan Listerine
- 1 gotë uthull e bardhë
- 2 gota ujë
Çfarë duhet të bëni:
- Përzieni Listerinën, uthullën e bardhë dhe ujin në një legen.
- Vendosni këmbët tuaja në përzierje dhe zhytni ato për 10-15 minuta.
- Nxirrni këmbët dhe pastroni butësisht thembrat tuaja me një gur shtufi.
- Shpëlani këmbët me ujë të ngrohtë dhe thajini me një peshqir, pastaj aplikoni hidratues.
/shkollaeshendetit.com
