Në përgjithësi, në banjat e qendrave tregtare, lokaleve apo klubeve të natës letrat e duarve janë zëvendësuar me tharëset elektrike.

Mundohemi të kujdesemi sa më shumë kur përdorim një banjo të tillë, sigurohemi të mos prekim askund pa ditur në fakt se rreziku na kanoset nga aty ku s’na e pret mendja.

Në internet u bë virale fotoja e Nichole Ward- it, e cila vendosi të bënte një eksperiment të vogël.

Vendosi një pjatë transparente laboratori në tharëse dhe e la aty për 3 minuta. Disa ditë më vonë ajo pa  ç’kishte ndodhur në pjatë.

Një pushtim i gjallë mikrobesh, Escherichia coli, bakter shumë i rrezikshëm shkruan Womens Health.

“Mos i thani më duart me diçka të tillë. Këto lloj kërpudhash apo bakteresh do të ngjiten në duart tuaja, ndërkohë që ju largoheni me idenë se i keni duart të pastra”, shkruan Nichole në Facebook.

Nuk munguan skeptikët, të cilët u shprehën se mbase shqetësimi i Nichole- s ishte i tepruar. Ekspertja e shëndetit Jennifer Wider tha se në fakt shqetësimi i Nichole- s nuk ishte aq i tepruar sa dukej. Ajo pohoi se fotografia përbënte një shqetësim publik.

“Banjat publike janë të mbushura me mikrobe dhe nuk është për t’u çuditur që tharësit e duarve të përhapin gjithashtu mikrobe. Disa studime e kanë kundërshtuar idenë se tharësit e duarve mbajnë mikrobe, por unë mendoj se ky eksperiment i pjatës është mjaft bindës”.

.

Subscribe kanalin tonë në Youtube për të mos humbur asnjë video të re