Policia e Shtetit ka reaguar në lidhje me arrestimin e Kasandër Nogës në Vjenë, i cili dyshohet për atentatin ndaj Erion Hasanbelliut në Belgjikë, ku ky i fundit mbeti i plagosur rëndë me 6 plumba.
Policia thotë se përmes letërkëmbimeve me palën belge, janë kryer kontrolle për Nogën dhe në Shqipëri, dhe operacioni i arrestimit është mbajtur i fshehtë për të shmangur dekonspirimin.
Kjo për shkak se në atentat dyshohet se kanë marrë pjesë dy persona.
“Për çdo ngjarje, arrestim, operacion, sekuestrim, si dhe për dyshime për autorë ngjarjesh, edhe kur nuk ka bashkëpunim, përsëri mes Policisë së Shtetit dhe vendit ku ka ndodhur ngjarja apo operacioni ka letër-korrespondencë, fillimisht ka komunikime telefonike, pastaj komunikime zyrtare që vijnë me email dhe me shkresë zyrtare.
Edhe në rastin e Kasandër Nogës, Policia belge dyshon se njëri prej autorëve është Kasandër Noga, pasi në ngjarje dyshohet se janë të përfshirë 2 persona dhe njëri prej tyre akoma nuk është identifikuar.
Menjëherë pas ngjarjes, ka ardhur kërkesë për bashkëpunim dhe Policia shqiptare ka ushtruar disa kontrolle për gjetjen e këtij perosni por ka rezultuar se ky shtetas nuk kishte hyrë në Shqipëri.
Dje, pas shkëmbimit të informacionit mes Policisë shqiptare dhe Policisë belge për vendndodhjen në Austri të njërit prej autorëve të dyshuar, konkretisht të shtetasit Kasandër Noga 45 vjec nga Patosi i Fierit, ky shtetas është arrestuar në Austri nga Policia belge, e cila po punon me Prokurorinë belge, për të zbardhur e dokumentuar me prova ligjore këtë ngjarje.
Nuk e kemi bërë publike për shkak se Policia belge nuk ka dashur të bëhët mediatike sepse operacioni vijon për kapjen e personit tjetër të përfshirë në këtë ngjarje”, sqaron policia.
…
/faxweb
