Ashtu si ngjyra e urinës, aroma e urinës suaj mund të jetë një tregues për gjendjen e trupit tuaj. Urina me erë të keqe mund të shkaktohet edhe nga faktorë të tillë si:
-Ushqime të caktuara
-Dehidratimi
-Diabeti
-Gurët në veshka
-Infeksione të ndryshme
Pse urina ime ka erë si të amoniakut?
Amoniaku ruhet në mëlçi si glutaminë, e cila lëshohet në urinë. Urina juaj mund të ketë një erë të fortë amoniaku për shkak të kushteve si dehidratimi dhe infeksionet e traktit urinar (UTIs).
Dehidratimi
Dehidratimi, ndodh kur trupi humbet më shumë lëngje sesa zëvendësohen, dhe kjo mund të çojë në një erë të fortë të urinës. Ju mund të kontrolloni ngjyrën e urinës tuaj për të konfirmuar nëse jeni të dehidratuar. Nëse është e verdhë e errët, ndoshta duhet të rrisni konsumin e ujit. Megjithatë, ju jeni mirëhidratuar, nëse është një ngjyrë e zbehtë kashte ose ngjyrë e verdhë transparente.
Simptoma të tjera të dehidrimit përfshijnë:
- Djersë
- Marramendje
- Gojë ose lëkurë e thatë
- Etje e shtuar
- Lodhje
Ushqimet që ndikojnë
Asparagu e bën urinën me erë të keqe, megjithëse nuk ka të njëjtin efekt tek çdo person. Ushqime të tjera, si qepa dhe hudhra, mund të kenë efekte të ngjashme.
Gurët në veshkaGurët në veshka gjithashtu mund të ndikojnë në urinën tuaj. Ato zhvillohen kur kripa dhe mineralet e tjera që gjenden në urinë ngjiten së bashku dhe formojnë depozita të forta të ngjashme me gurët që mund të jenë të vegjël sa kokrra të ngjashme me rërën ose të mëdha si copa të plota zhavorri.
Simptoma të tjera të gurëve në veshka përfshijnë:
- Dhimbje shpine, anash ose ije
- Gjak në urinën tuaj
- Ethe
- Urinim i shpeshtë
- Nauze ose të vjella
- Urinim me dhimbje
- Infeksion të traktit urinar
Një infeksion i traktit urinar (UTI) ndodh kur bakteret hyjnë në sistemin tuaj urinar përmes uretrës dhe më pas fillojnë të shumohen në fshikëz. Këto baktere mund të bëjnë që urina juaj të ketë erë të keqe. Përveç urinës me erë të pakëndshme, mund të:
- Përjetoni një ndjesi djegieje kur urinoni
- Keni urinë të turbullt ose me gjak
- Duhet të urinoni më shpesh
Pse urina ime ka erë të ëmbël?
Urina mund të ketë një erë të ëmbël kur një person ka probleme me metabolizmin. Problemet mund të jenë me organe si pankreasi, duke çuar në kushte shëndetësore si diabeti.
Diabeti
Njerëzit me sheqer të lartë në gjak – ose hiperglicemi, një shenjë dalluese e diabetit – kanë glukozë të tepërt. Kjo ndodh kur trupi përpiqet të përdorë insulinën siç duhet ose nëse trupi ka shumë pak insulinë. Trupi juaj do të përpiqet të heqë qafe glukozën shtesë përmes urinimit. Kjo rezulton në urinë me erë të ëmbël. Gjithashtu, mund t’ju duhet të përdorni shpesh tualetin dhe t jeni më të etur se normalisht nëse keni sheqer të lartë në gjak.
Sëmundje urinare me shurup panje
Urina me erë të ëmbël mund të jetë gjithashtu rezultat i një sëmundjeje të rrallë metabolike të njohur si sëmundja e urinës me shurup panje (MSUD). Urina me erë panje është një simptomë që shfaqet tek foshnjat:
-Me vonesa të zhvillimit
-Vështirësi me të ushqyerit
Çfarë duhet të bëni nëse urina ka erë
Zgjidhja e çështjeve me erën e urinimit varet nga ajo që e shkakton atë. Për të ndihmuar në reduktimin ose eliminimin e urinës me erë të keqe, mund të:
-Menaxhoni sheqerin në gjak me stërvitje dhe zgjedhje të një diete të shëndetshme ushqimore
-Monitoroni ose kufizoni zgjedhjet e ushqimit për të përcaktuar se çfarë po shkakton erën e urinimit tuaj
-Qëndroni të hidratuar duke pirë shumë lëngje
Nëse i zbatoni këto praktika, por ende keni urinë me erë, konsultohuni me profesionistë të kujdesit shëndetësor.
Vlen të përmendet se UTI-të e shoqëruara me simptomat e mëposhtme kanë nevojë gjithashtu për kujdes mjekësor:
- Dhimbje shpine
- Djegie gjatë urinimit
- Të dridhura
- Ethe
- Erë e pazakontë e urinës
Gjithashtu, disa gurë në veshka kalojnë në urinë pa pasur nevojë për trajtim. Megjithatë, kërkoni kujdes mjekësor nëse keni dhimbje të forta, të vjella, gjakderdhje, shenja infeksioni ose temperaturë.
Disa medikamente ose vitamina mund të jenë gjithashtu përgjegjëse për urinën me erë të keqe. Bisedoni me mjekun nëse vëreni një ndryshim në erën e urinës pasi të keni filluar medikamentete ose suplementet e përshkruara.
Përmbledhje: Ka shumë arsye pse urina juaj mund të ketë erë; nga ushqimet që hani deri tek infeksionet e mundshme. Nëse vëreni se urina juaj ka erë dhe nuk jeni plotësisht të sigurt për arsyen, kontaktoni konsultohuni me mjekun. Ata mund t’ju ndihmojnë të përcaktoni shkakun dhe nëse është e nevojshme, të merrni trajtimin që ju nevojitet.
Përshtatur nga health.com
