Mund të jetë e vështirë për të gjetur dashurinë e vërtetë. Por pasi të gjendet, vetë jeta bëhet më e lehtë – shpresojmë.
Mund të na bëjë që të ndjeheni sikur po lundrojmë mbi retë rozë të perëndimit ose na mban zgjuar natën me një mendim të mundimshëm: nëse është apo jo i/e duhura!?
Është për të ardhur keq, por e vërtetë që dikush që e duam aq shumë mund të mos jetë partneri ynë gjatë gjithë jetës. Nëse jeni të gatshëm të angazhoheni në një marrëdhënie për pjesën tjetër të jetës tuaj, do t’ju duhet më shumë sesa dashuri për lumturi të vërtetë.
Ne kemi mbledhur shenjat më të besueshme nga psikologët, që madje mund të aplikohen që në ditët e para të një marrëdhënieje, për të gjetur përgjigjen e saktë dhe për të jetuar në maksimum dashurinë tuaj.
Ju bëheni lexuesit e mendjes së njëri-tjetrit.
Kjo nuk është një stërvitje romantike! Studimi psikologjik vërteton se dashuria në të vërtetë mund të ndihmojë sistemin tuaj nervor të përputhet me atë të gjysmës tuaj.
Pasi të kaloni mjaft kohë së bashku, do të kuptoni ndjenjat, mendimet dhe reagimet e tyre. Kjo lidhje është më shumë sesa ta njohësh dikë me të vërtetë mirë. Ju mund ta kuptoni njëkohësisht dhe pa mundim njëri-tjetrin, madje edhe në heshtje të plotë.
Ju ndani të njëjtat ide për të ardhmen.
Sapo të gjeni dashurinë e jetës suaj, është koha të “mendoni si çift”. Ju do të dëshironi që ata të jenë prezent në vitet e ardhshme të jetës suaj, kështu që do të ëndërroni të ardhmën së bashku.
Ju nuk do të duhet të shkoni pas të njëjtave aspirata, por nëse ato janë të duhurit, ju gjithmonë do të gjeni një mënyrë për të vazhduar jetën tuaj së bashku pa marrë parasysh se çfarë ndodh.
Gjetja e lirisë për të qenë së bashku është një nga shtyllat më të rëndësishme të një historie dashurie jetëgjatë.
Ju mendoni se ia vlen
Angazhimi është jetik për ruajtjen e një marrëdhënieje, veçanërisht nëse po flasim për atë dhe nuk është gjithmonë një pako gjithëpërfshirëse. Ju duhet të bëni kompromise, kjo nuk duhet të jetë diçka e habitshme. Por kur të jetë e drejtë, ju do ta bëni atë në mënyrë instiktive.
Psikologët në Universitetin Kobe në Japoni tregojnë se pa bërë asnjë sakrificë, marrëdhëniet nuk do të zgjasin shumë. Kjo nuk do të thotë që ju duhet të ndryshoni ose të hiqni dorë nga integriteti juaj. Ju thjesht duhet të jeni mjaftueshëm të moderuar në lidhje me veprimet tuaja për të krijuar hapësirë për lumturinë e personit tjetër.
Truri juaj funksionon ndryshe.
Ne na pëlqen të mendojmë për zemrën kur bëhet fjalë për temën e dashurisë, por gjithçka ndodh në kokë. Një studim i bërë nga Universiteti Stony Brook në New York ka treguar sesi ndikohen reagimet e trurit nga dashuria.
Kur mendoni për atë të duhurin, qendra e shpërblimit në trurin tuaj stimulohet, duke rritur nivelin e dopaminës. Ju gjithashtu mund të thoni që ndjeni flutura në stomak.
Ju mbështetni njëri-tjetrin
Në fund të një dite të gjatë, do të gjeni nxitjen që ju nevojitet. Duke qenë nxitës të emocioneve të njëri-tjetrit gjatë rrugës, ju kurrë nuk do të ndiheni të dekurajuar ose në parehati. Duke dëgjuar fjalë mbështetëse nga personi që ju pëlqen më shumë do ju bëjë që ta doni veten edhe më shumë.
Ndiheni të kënaqur pa asnjë përpjekje shtesë.
Kjo eshte e rëndësishme. Kur ju të gjeni partnerin tuaj të jetës – një nga ngjarjet më të mëdha kryesore në jetën e njeriut, do të ndihen normal. Do të ndjeheni sikur keni qenë duke jetuar në këtë mënyrë dhe do të integroni shpejt burimin tuaj të ri të lumturisë. Kjo do t’ju bëjë të ndiheni të përulur për marrëdhënien tuaj.
Ju nuk do të shndërroheni në një person i cili flet për marrëdhëniet e tyre gjatë gjithë kohës, sepse nuk keni çfarë t’i provoni të tjerëve. Llogaritë tuaja të mediave sociale nuk do të përmbyten me fotografitë tuaja, sepse nuk keni kohë për këto gjëra ndërsa përqendroheni në vetë marrëdhënien.
Dëshironi tua prezantoni njerëzve të dashur
Psikologjia thotë se të gjithë kemi nevojë për miratim në jetën tonë dhe nëse vjen nga të dashurit tanë, është veçanërisht më e kënaqshme. Kjo është arsyeja pse ne ndajmë lajme të mira me ta. Duke përfshirë njerëzit që janë të veçantë për ne, ne e shtojmë lumturinë tonë.
Kur të takoni atë, i njëjti instinkt do të shfaqet dhe do të ndjeheni të paduruar për t’i prezantuar ato me familjen dhe miqtë e afërt. Gjithashtu, është e dobishme të krijoni një sistem mbështetës të besueshëm rreth romancës suaj, sipas një studimi.
Ju gjeni kënaqësi brenda dhe jashtë dhomës së gjumit.
Intimiteti është i rëndësishëm, por nuk është përgjegjës vetëm për kiminë e një marrëdhënieje të shëndetshme. Lidhja fizike do t’ju bëje të ndiheni ndryshe në krahët e duhurit, megjithatë, tërheqja për atë do të jetë e njëjta gjithë kohës, madje edhe me rroba të trasha dimri.
Ndonjëherë një fjalë, një buzëqeshje, ose një ngacmim do t’ju bëjë të ndjeheni sikur keni gjetur personin më të veçantë për ju.
Ndiheni ndryshe kur jeni pa ta
Mbajtja e individualitetit dhe pavarësisë suaj gjatë një marrëdhënie është një nga pikat kryesore për të kaluar shumë vite të gjata së bashku. Sidoqoftë, krijimi i një hapësire në jetën tuaj është gjithashtu i rëndësishëm.
Kur ta gjeni të duhurin, disa pjesë të jetës suaj do të përshtaten me këtë ndryshim të lumtur dhe do të normalizojnë rutinat tuaja të reja. Mungesa e tyre “natyrisht” do ju duket “llahtar”.
Ju bëheni “ne”.
Pas kontrollimit të të gjitha atyre gjërave që kemi përmendur më lart, i fundit është thjesht përemri: ne.
Psikologët në Universitetin e Teksasit publikuan një studim për rëndësinë e përdorimit të “ne” dhe “tonë” si pjesë e zgjedhjes sonë të natyrshme të fjalëve. Kur bëheni një ekip me gjysmën tuaj të zemrës, do t’ju japë gëzim të flisni për gjërat që ndani në vend se të flisni vetëm për veten tuaj.
Për miqtë tuaj të tjerë që duhet të dëgjojnë tregimet tuaja në çift, mund të mos jetë aq argëtuese. Por të bëhesh “ne” është një shenjë e jashtëzakonshme e një dashurie për tërë jetën.
/shkollaesuksesit.com
