Stella Adler është një nga emrat më të mëdhenj të aktrimit në botë. Nga shkolla e saj e aktrimit (Stella Adler Studio of Acting), kanë dalë aktorë të mëdhenj, si: Marlon Brando, Robert De Niro, Warren Beatty, Elaine Stritch, Mario Van Peebles, Harvey Keitel…
Ajo ishte mbështetëse e sistemit teatror të Konstantin Stanislavskit dhe Metodës (“Method Acting” – teknikë e aktrimit që në një mënyrë nënkupton shumë ushtrime dhe analiza, derisa aktori të krijojë një indentifikim emocional me karakterin që luan).
Adler një herë u tha studentëve të klasës së saj të aktrimit të sillen si pulat të cilave do t’ju binte një bombë atomike. Teksa tërë klasa vraponte rreth e rrotull duke kakarisur, Marlon Brando rrinte i qetë, ulur, duke u shtirë se po bënte ve. Kur Adler e pyeti pse zgjodhi të aktronte ashtu, ai tha: “Unë jam pulë. Çka di unë për bombat”! /telegrafi/

Subscribe kanalin tonë në Youtube për të mos humbur asnjë video të re