Skip to content

Puth tokën e atdheut… Pas 37 vitesh, emigranti shqiptar kthehet të jetojë në vendlindje

Ndajeni këtë artikull me të tjerë duke klikuar ikonat më poshtë

Pas 37 vitesh në emigrim, ky burrë është rikthyer në atdhe, për ta kaluar pjesën e mbetur të jetës atje ku lindi. Avduli e la Londrën pas afro 4 dekadash, për të jetuar në shtëpinë e tij në Kosovë.

Guri rëndë, në vend të vet thotë një fjalë e urtë, e duket se për këtë emigrant, shprehja tashmë ka marrë një kuptim të plotë.

“Çdo moment është emocionues, bëhet ringjallja e të kaluarës, prindërve, motrave e vëllezërve të mi. Vetë fakti që mora ajrin e këtij vendi, nënkupton shumë për mua. Kurrën e kurrën në jetën time nuk e mendoja (të ikja), por për shkak të rrethanave të vendit tonë, na është imponuar ta lëshojmë atdheun. Fatkeqësisht unë e mora rrugën e emigrimit për në Angli, që në vitin 1987.

Është të lësh shpirtin e frymën në Kosovë, e ta marrësh trupin në emigracion. Hera e parë kur jam kthyer, ka qenë fundi i vitit’89. Në atë kohë nuk qëndrova gjatë, pastaj jam ardh në vitin ’92. Mirëpo prap, kam patur nostalgji e dashuri për vendin

Ky vend më kujton fëmijërinë time, shokët e mi, atmosferën e asaj kohe. Më duket sikur jam akoma i ri.

Kjo është krejt substanca, pse njerëzit duan të kthehen në vendlindje, se së paku kur dalin nga shtëpia, të mund të thonë mirmëngjesi, si jeni… në emigrim këtë nuk e ke.“-tha mërgimtari në një intervistë për T7

Ndajeni këtë artikull me të tjerë duke klikuar ikonat më poshtë