Presidenti i Rusisë, Vladimir Putin zhvilloi bisedë telefonike me presidentin e Azerbajxhanit, İlham Aliyev.
Në një deklaratë nga Kremlini thuhet se Putin dhe Aliyev në bisedën telefonike diskutuan për situatën aktuale në Kaukazin Jugor.
Në bisedën Putin-Aliyev, vëmendja u tërhoq mbi rëndësinë e përpjekjeve të koordinuara për të garantuar stabilitet dhe siguri në kufirin Armeni-Azerbajxhan dhe për krijimin e lidhjeve ekonomike dhe të transportit në rajon. Në kuadër të kësaj u konfirmua zbatimi në mënyrë të qëndrueshme i marrëveshjeve trepalëshe që liderët e Rusisë, Azerbajxhanit dhe Armenisë nënshkruan në nëntor 2020, janar 2021 dhe nëntor 2021.
Presidenti i Azerbajxhanit, Aliyev dha informacion rreth takimit që zhvilloi më 31 gusht në Bruksel me kryeministrin e Armenisë, Nikol Pashinyan dhe me Presidentin e Këshillit Evropian, Charles Michel.
Pasi u diskutuan edhe disa çështje të agjendës dypalëshe, përfshirë çështjet ekonomike, tregtare, energjetike dhe humanitare, në bisedën Putin-Aliyev u vendos që të vazhdojnë kontaktet.
Burimi: AA
