Presidentët e Francës dhe Rusisë kanë zhvilluar një telefonatë mes tyre, pas asaj të 29 marsit 2022.
Kremlini ka lëshuar disa komente të cilat po raportohen nga media shtetërore ruse lidhur me këtë telefonatë.
Vladimir Putin i tha homologut të tij francez se Perëndimi po “injoron krimet e luftës në Ukrainë”, tha Kremlini.
Kremlini tha gjithashtu se Perëndimi duhet të ndalojë furnizimin me armë për Ukrainën dhe se Kievi nuk po i merr seriozisht bisedimet për t’i dhënë fund konfliktit, në komentet e raportuara nga AFP.
Putin ka bërë më parë pretendime të pabaza se Ukraina po kryen krime lufte pas pushtimit të Rusisë.
Forcat ruse janë akuzuar për kryerjen e mizorive, përfshirë në Bucha.
Burimi: Ora News
