Presidenti rus, Vladimir Putin paralajmëroi të mërkurën për “pasoja të rënda” të shkaktuara nga përçarje mes Kishave Ortodokse, pas vendimit të Patriarkanës së Konstandinopojës për të njohur pavarësinë e Kishës së Ukrainës.
“Unë do të doja të theksoj një gjë: politizimit në një zonë kaq të ndjeshme ka pasoja”, tha ai në një forum në Moskë me përfaqësues të diasporës ruse.
Kjo është hera e parë që kreu i Kremlinit flet për krizën e shkaktuar nga njohja e autoqefalisë së Kishës Ortodokse të Ukrainës.
Putin dënoi “përpjekjet për të thyer lidhjet” ndërmjet Kishës Ortodokse të Rusisë dhe besimtarëve të saj jashtë vendit.
“Detyra jonë e përbashkët – veçanërisht në frontin e njerëzve – është qëë ruajmë unitetin shpirtëror dhe historik të Orthodhoksisë”, theksoi ai.
Në mesin e tetorit, Patriarkana e Konstandinopojës njohu pavarësinë e Kishës Orthodhokse të Ukrainës, e cila prej 332 vjetësh ishte nën patronazhin e Moskës.
Patriarku rus Kiril refuzoi të njohë vendimin e Patriarkanës së Konstandinopojës dhe deklaroi se kjo ishtë e çara më e madhe në Krishterim në mijë vitet e fundit.
Kisha Ortodokse e Rusisë, pra, njoftoi se ka vendosur të presë të gjitha lidhjet me Patriarkanën e Konstandinopojës.
