Vladimir Putin do të jetë në Turqi në ditët në vijim për t’u takuar me homologun Erdogan, shkruan sot shtypi turk, duke shtuar se kjo do të jetë hera e parë që nga fillimi i luftës ruso-ukrainase, që presidenti rus do të vizitojë një vend anëtar të NATO-s.
“Pas përfundimit të ‘marrëveshjes së grurit’, çmimet e drithit u rritën me 15%. Pas përfundimit të tregtisë së sigurt përmes Korridorit të Detit të Zi, Ukraina ka vënë në rendin e ditës rrugët alternative të transportit të grurit. Megjithatë, duke marrë parasysh sigurinë dhe koston, asnjë nga këto opsione nuk mund të zëvendësojë Korridorin e Detit të Zi. Rritja e çmimeve ka një ndikim negativ në vendet e varfra, shumica e të cilave janë në Afrikë”, thuhet në një raport të Milliyet.
Kujtohet se më 2 gusht, Erdogan diskutoi për grurin me Putinin dhe ranë dakord për vizitën e presidentit rus në Turqi. Më pas, presidenti Erdogan shprehu shpresën se vizita do të bëhet në gusht.
