Rusia ka paralajmëruar se do të rrisë prodhimin masiv të dronëve me qëllim vendosjen e tyre në fushën e betejës në Ukrainë.
Lajmi u njoftua nga presidenti rus, Vladimir Putin, të mërkurën, gjatë një fjalimi para të diplomuarve nga akademitë ushtarake të Rusisë në Kremlin.
“Përmirësimi dhe prodhimi i sistemeve kundër baterive do të vazhdojë, si dhe vendosja e mjeteve ajrore pa pilot dhe sistemeve robotike të goditjes tek trupat, të cilat janë treguar mirë në kushte luftarake,” tha Putin. “Ne do të përshpejtojmë prodhimin e tyre masiv. Është e nevojshme që këto pajisje të sigurohen për të gjitha njësitë ushtarake, duke përfshirë skuadrat, togat, kompanitë dhe batalionet.”
Putin tha në rrjedhën e asaj që Rusia e quan “operacionin e saj special ushtarak” në Ukrainë, se modelet më të fundit të automjeteve të blinduara, raketave sulmuese dhe sistemeve të aviacionit, mbrojtjes ajrore dhe sistemeve të luftës elektronike japin një kontribut të madh në zgjidhjen e misioneve luftarake.
