Presidenti rus Vladimir Putin urdhëroi këtë të mërkurë autoritetet të fillojnë vaksinimin masiv kundër COVID-19 të popullatës. Ai urdhëroi zv. kryeministren Tatiana Golikova që mos të pritet më dhe vaksinimi të nisë javën e ardhshme.
“Le të biem dakord për këtë, nuk do të më raportoni javën tjetër, por do të filloni vaksinimin masiv, le të fillojmë punën tashmë,” i tha Putini Zëvendës Kryeministres Tatiana Golikova.
Ndërkohë Rusia ka rikthyer karantinën e pjesshme gjatë kësaj vale të dytë nga COVID-19 teksa ka raportuar edhe një rekord prej 589 viktima nga virusi në ditë.
Po ashtu në Rusi vaksina do të jetë falas dhe jo e detyrueshme për qytetarët që do të dëshirojnë ta bëjnë.
/faxweb