Policia ka arrestuar një 22-vjeçar në Krujë, i cili qarkullonte me armë zjarri pistoletë dhe lëndë narkotike kanabis, në një automjet.
Gjithashtu në pranga është vënë edhe drejtuesi i automjetit, një 27 vjeçar, për veprën penale “Moskallëzimi i krimit’.
Njoftimi i policisë:
Finalizohet operacioni policor i koduar “Armed”.
Qarkullonte me armë zjarri pistoletë dhe lëndë narkotike kanabis, në një automjet, kapet në flagrancë dhe vihet në pranga 22-vjeçari.
Vihet në pranga dhe drejtuesi i automjetit, për moskallëzim krimi.
Sekuestrohen arma e zjarrit pistoletë, municion luftarak, sasia e lëndës narkotike dhe automjeti.
Shërbimet e Komisariatit të Policisë Krujë, në vijim të kontrolleve për kapjen e shtetasve në kërkim, të atyre që qarkullojnë me armë apo lëndë narkotike, mbi bazën e informacioneve të siguruara nga inteligjenca policore, kanë organizuar dhe finalizuar operacionin policor të koduar “Armed”.
Gjatë operacionit, në Fushë Krujë, shërbimet e Policisë kanë ndaluar automjetin me drejtues shtetasin A. V dhe pasagjer shtetasin A. D. Gjatë kontrollit fizik, shtetasit A. D. iu gjetën 1 armë zjarri pistoletë, municion luftarak dhe një sasi lënde e dyshuar narkotike cannabis sativa.
Në përfundim të veprimeve procedurale u arrestuan në flagrancë shtetasit:
A. D., 22 vjeç, banues në Krujë, për veprat penale “Prodhimi dhe mbajtja pa leje e armëve, armëve shpërthyese dhe municionit” dhe “Prodhimi dhe shitja e narkotikëve”;
A. V., 27 vjeç, banues në Krujë, për veprën penale “Moskallëzimi i krimit’.
Materialet procedurale i kaluan Prokurorisë së Tiranës, për veprime të mëtejshme.