Për mbi pesë mijë votuesit e Shoshit, Shales dhe Pultit në Shkodër nuk do të ketë asnjë ndryshim të qendrave të votimit. Ata do ta shprehin vullnetin e tyre aty ku rezultojnë votues.
Me këtë vendim, komisioni i sanksioneve dhe ankimimeve rrëzoi kërkesën e kreybashkiakes së Shkodrës, Voltava Ademi, për të zhvendosur 12 qendrat e votimit më në afërsi të Shkodrës.
Ajo pretendoi që për shkak të dëborës mbi 5 mijë votues është e pamundur që të të përshkojnë mbi 60 kilometra rrugë në një situatë të vështirë.
Për këtë arsye Voltana Ademi kërkoi që ato te zhvendoseshin, kërkesë që u hodh poshtë nga KAS, duke lënë në fuqi vendimin e komisionerit të zgjedhjeve, Ilirjan Celibashi.
Deri më tani nga operatori i shpërndarjes së energjisë është premtuar furnizim me energji ditën e zgjedhjeve. Ndërsa nga Autoriteti Rrugor ende nuk ka një përgjigje nëse do të garantohet që rrugët që të çojnë në Shoshe, Pult dhe Shalë do të jenë të kalueshme.
