Skip to content

“Qershi dhe dashuri”, festa që promovon produktet e zonës në Godolesh të Elbasanit por fermerët janë të zhgënjyer: Mungon tregu dhe forca punëtore, do i lëmë të kalbet

Ndajeni këtë artikull me të tjerë duke klikuar ikonat më poshtë

Për të katërtin vit me radhë në zonën kodrinore të Godoleshit ne Elbasan u kremtua festa lokale  “Qershi dhe Dashuri”.

Një festë e cila synon të promovojë resurset dhe produktet bio të zonës. Vendasit ekspozuan për “miqtë” tezgat të mbushura plot me qershi, vaj ulliri, recel, komposto , turshi ndërsa organizatorët ishin kujdesur të ekspozonin edhe veshjet tradicionale të zonës si një mënyrë për të plotësuar dekorin festiv.

Qytetarët të cilët u bënë pjesë e aktivitetit festiv shijuan produktet bio të zonës dhe festuan nën tingujt e muzikës deri pas mesnate.

Këtë vit pemët e qershisë kanë prodhuar në masë. Fermerët e zonës teksa prezantuan produktet e tyre ankohen për mungesën e tregut dhe forcës punëtore . Sipas tyre zona e tyre është prekur ndjeshëm nga fenomeni i emigracionit.

“Jemi pak të mërzitur se cmimi I qershisë është I ulur, shteti të na ndihmojë për të marrë qershi dhe të ngrihet cmimi. E kemi cmimin e ulet. Nuk na del. Skam filluar me vjel, ka shumë prodhim. Ca do i lëmë të kalbet. Nuk kemi punëtorë. Nuk më leverdis ti marrë”– u shprehën fermerët.

Festa “Qershi dhe Dashuri ” eshte kremtuar me iniciativën  e vetë komunitetit të zonës. Teksa mori pjesë në aktivitet kryebashkiaku Gledian Llatja premtoi se do ta mbështesë duke e shndërruar në traditë të përvitshme.

në Facebook, klikoni Join Group

/faxweb

Ndajeni këtë artikull me të tjerë duke klikuar ikonat më poshtë