Qeveria ka ndryshuar buxhetin e vitit 2019 duke rishpërndarë fondet mes disa sektorëve përmes një akti normativ.
Më shumë para kalojnë tek pushteti lokal që përfiton një rritje të shpenzimeve me 4 miliardë lekë, ministritë e Bujqësisë, Mbrojtjes dhe e Brendshme.
Duke argumentuar këto lëvizje në buxhet, ministrja e Financave Anila Denaj konfirmoi gjithashtu një shtesë fondi edhe për organet e reja të drejtësisë.
Por, qeveria nuk sqaron se nga janë hequr fondet që do të rishpërndahen.
