Ndërhyrjet në sy për kataraktën apo atë që njihet në gjuhën popullore si perdja e syrit, tashmë janë kthyer në një rutinë për mjekët okulist në Spitalin Francez, pranë Qendrës Spitalore Universitare Nënë Tereza.
Perdja e syrit haset më shumë tek të moshuarit dhe disa të sëmurë kronik, duke shkaktuar kështu turbullim të shikimit.
“Nga janari deri tani mesatarisht janë bërë 2200 ndërhyrje kirurgjikale. Është një ndërhyrje që është ditore, diabetikët janë një pjesë e kategorisë që përfitojnë ndërhyrjen e kataraktës”, thotë Ermal Simaku, okulist QSUNT.
Por gjatë sezonit veror, në Spitalin Francez në qendrën Spitalore Universitare “Nënë Tereza” nuk kanë munguar si pacientë dhe të huajt që gjendeshin për pushime në vendin tonë.
Ndërhyrjet për heqjen e perdes së syrit me kirurgji, bëhen me anë të një sistemi të planifikimit që bëhet nga mjekët në të gjitha poliklinikat e vendit. Në Spitalin Francez paraqiten mesatarisht 200 urgjenca, prej të cilëve 50 janë për probleme të syrit.