Në Itali, rajoni më i goditur nga koronabvirusi, është dhe më i
pasuri i vendit, Lombardia. Por aty ndodhet një qytezë me njëmijë banorë
ku askush nuk është prekur nga koronavirusi.
Lajmi po bën xhiron e mediave italiane dhe më gjerë, pasi në Ferrera
Erbognone nuk është identifikuar asnjë person i prekur nga virusi i
rrezikshëm, raporton Corriere della Sera.
Ferrera Erbognone gjendet në provincën Pavia dhe fakti që atje nuk ka
asnjë të infektuar, ka nxitur ekspertët e autoritetit shëndetësor
shtetëror që të nisin ekipe në terren për të analizuar gjakun e
banorëve.
“Ky është një rast i jashtëzakonshëm, i cili ka detyruar ekspertët ta
bëjnë atë edhe objekt studimi. Instituti Neurologjik Mondino i Pavias
vendosi të ekzaminojë gjakun e banorëve për të identifikuar praninë e
antitrupave”, – tha sot, drejtori i përgjithshëm i Institutit
Neurologjik, Livio Tronconi.
“Ne kemi zgjedhur të ekzaminojmë gjakun e banorëve në Ferrera
Erbognone, sepse është një komunitet në të cilin ende nuk ka asnjë
person të infektuar me koronavirus. Studimi i popullatës mund të na
sigurojë rezultate mjaft të rëndësishme, të cilat do të ndahen me pas me
virologët”, njoftoi ai.