TIRANË- Kryeministri i vendit, Edi Rama, paralajmëroi të gjitha ata që vjedhin ujin do të përballen me heqje lirie.
Ai theksoi se qytetarët që paguajnë rregullisht ujin nuk mund të mbahen peng i askujt, që kërkon të marrë “qyl” një shërbim kaq jetik.
Sipas Ramës, Operatori Kombëtar i Ujit synon të zbatojë modelin e sektorit të energjisë, i cili sipas tij ishte “model suksesi”.
“Çfarë po bëjmë me këtë fazë të dytë është të garantojmë në shërbimin me ujë suksesin që garantuam suksesin me shërbimin me energjinë elektrike, Si sot furnizimi me energji nuk është më problem, pasiguri, ankthe dhe alarm, ashtu të jetë në Shqipërinë 2030 furnizimin me ujin.
Me këtë operator kombëtar, i cili do jetë sinergjia e 15 shoqërive ekzistuese dhe me organet e tjera ligjzbatuese, vendosjen e vijës ligjzbatuese që bashkitë nuk e vendosën asnjëherë mes atij që paguan dhe atij që vjedh ujin.
Ai që ka paguan ujin ka të gjithë të drejtën të vë kujën se pse nuk e merr ujin. Ai që e vjedh ujin të penalizohet me heqje lirie, siç ndodhi me atë që vjedhin energjinë elektrike.
Siç krijuam task forcën e energjisë, do krijojmë task forcën e ujit në nivel kombëtar dhe do punojmë që të respektojmë shumicën e popullit që paguan ujin dhe meriton një shërbim më të mirë. Ky është thelbi.
Nuk mundet që shumica të paguajë edhe për pakicën dhe të vuajë se pse një pakicë do të marrë qyl një mall që ka koston e vet”, tha ai.