Kryeministri Edi Rama ka publikuar pamje nga baza ajrore e Kuçovës, e cila do të inagurohet më 4 Mars.
Kreu i qeverisë shkruan se baza ajrore do të luajë rol kyç në mbështetjen e operacioneve dhe stërvitjeve të NATO-s.
Kryeministri Rama shprehet se do të shërbejë edhe si një qendër për aktivitetet e Forcave Ajrore, me infrastrukturë të avancuar për avionët luftarakë dhe ata të transportit të Aleancës.
“Baza Ajrore Taktike e NATO-s që hapet së shpejti në Kuçovë, e cila do të luajë një rol kyç në mbështetjen e operacioneve dhe stërvitjeve të NATO-s, duke shërbyer edhe si një qendër për aktivitetet e Forcave Ajrore, me infrastrukturë të avancuar për avionët luftarakë dhe ata të transportit të Aleancës”, shkroi Rama.
