Vijojnë masat e ashpra të qeverisë për të frenuar përhapjen e koronavirusit në vend. Po në “Facebook”, Rama këtë herë bëri një postim të dedikuar për të moshuarit, kategorinë më problematike në këto ditë karantine.
Ai tha se po merren masa që të moshuarit të mos dalin fare nga shtëpia dhe që furnizimi i tyre me ushqime dhe ilaçe të kryhet nga fëmijët e tyre ose nga shteti.
“🔴 PO PËRGATITEMI PËR NDALIMIN TOTAL TË DALJES SË PENSIONISTËVE NGA SHTËPIA, DERI KUR KJO LUFTË TË MBAROJË! NUK MUND TË PRESIM MË NDËRGJEGJËSIMIN E ASAJ PAKICE QË VAZHDON SFIDON RREGULLAT, DUKE VËNË NË RREZIK SHUMË SERIOZ VETEN DHE TË TJERËT!
🔴 PENSIONISTËT KRYEFAMILJARË NË QYTETE DUHET TË SHËRBEHEN ME VAJTJE-ARDHJET PËR SHPEZAT USHQIMORE DHE FARMACEUTIKE NGA FËMIJËT E TYRE. ATA QË NUK I KANË FËMIJËT NË TË NJËJTIN QYTET, DO TË SHËRBEHEN NGA SHTETI PËRMES SKUADRAVE TË PËRBASHKËTA TË BASHKIVE DHE QEVERISË!
🔴 TË GJITHA BASHKITË NË BASHKËPUNIM ME MINISTRINË E SHËNDETËSISË E MBROJTJES SOCIALE, INSTITUTIN E SIGURIMEVE SHOQËRORE, SHËRBIMIN SOCIAL SHTETËROR DHE AGJENCINË KOMBËTARE TË TEKNOLOGJISË SË INFORMACIONIT, JANË NË PUNË PËR PLANIN E MBËSHTETJES NË SHTËPI TË PENSIONISTËVE KRYEFAMILJARË NË ÇDO QYTET!”
Rama i bëri thirrje çdokujt që t’i mbajnë të izoluar të moshuarit në shtëpi. Ai apeloi edhe që të mos ketë shtrëngime duarsh me ta, për të parandaluar përhapjen.
“🔴 I LUTEM ÇDO BIRI DHE BIJE PRINDËRISH TË MOSHUAR, BËNI TË PAMUNDURËN TË MBANI NË SHTËPI BABAIN E NËNËN TUAJ, GJYSHIN E GJYSHEN E FËMIJËVE TUAJ! T’I LESH TË DALIN ËSHTË NJËSOJ SI T’U HAPËSH DERËN TË SHKOJNË PËR TË MARRË PJESË NË NJË BOMBARDIM!
🔴 O ZOT ÇFARË SIKLETI TA THUASH:
MOS U JEPNI DORËN DHE RRINI TEK DERA NË DISTANCË KUR U ÇONI USHQIMET APO ILAÇET NË SHTËPINË E TYRE MË VETE!
KUDO KU E KENI TË MUNDUR NË SHTËPITË TUAJA, MBAJINI NË DHOMË MË VETE!
🔴 QË T’I PËRQAFOJMË FORT NESËR DHE T’I KEMI SA MË GJATË PRANË NESH, DUHET T’I IZOLOJMË SOT NGA ÇDO KONTAKT I MUNDSHËM, ME BOTËN PO E PO, POR EDHE ME VETË NE!”
