Partia Demokratike zyrtare ka reaguar në lidhje me detajet e publikuara nga dosja hetimore ,“Mc Gonigal”.
Sekretari për Marrëniet me Publikun në PD, Edvin Kulluri shkruan në Facebook se kryeministri Edi Rama është manipuluesi dhe falsifikatori i shpifjeve kundrejtë kryedemokratit Lulzim Basha në vitin 2017.
Sipas Kullurit, Rama dhe bashkëpunëtorët e tij, vunë në zbatim planin e shpifjeve për financimet ruse të PD, dhe se kësaj teze i është bashkuar edhe ish-kryeministri Sali Berisha.
Më tej, ai thekson se financimet e supozuara ruse të Partisë Demokratike janë një lojë e kryeministrit, dhe atij po i shërbejnë edhe akuzat e Rithemelimit ndaj Bashës.
Reagimi i Kullurit:
Të nderuar demokratë dhe qytetarë! Duke ju referuar detajeve të publikuara nga dosja hetimore ,“Mc Gonigal”, prej medias prestigjioze Zëri i Amerikës, aq më shumë del në pah roli i Edi Ramës si manipulues dhe falsifikator kryesor i sulmeve dhe shpifjeve kundër kryetarit të PD, Lulzim Basha.
Për publikun, tashmë është e qartë se prej vitit 2017, Edi Rama dhe bashkëpunëtorët e tij të afërt kanë vënë në zbatim planin e, duke financuar dhe u ndihmuar në këtë përpjekje të ulët nga ish drejtuesi i lartë i FBI, Mc Gonigal.
Në 2 vitet e fundit, Ramës i është bashkuar jo rastësisht edhe “revolucionari” Sali Berisha. Tashmë kjo është shndërruan në rrugë të zakonshme nëpër të cilën ata të dy kanë ecur krah për krah njëri-tjetrit. Një rrugëtim që ka nisur që në vitin 2008 me marrëveshjen e tyre të errët që shkelmoi ekulibrin mes pushtetit parlamentar dhe atij ekzekutiv.
Financimet e supozuara ruse, siç e dëshmon çdo ditë e më qartë drejtësia amerikane, janë një lojë e kurdisur nga Edi Rama dhe shërbëtorët e tij. Kush i shkon nga pas kësaj loje, nuk është asgjë më tepër se zgjatim i pushtetit të Ramës, që në një formë ose tjetër, nuk harron ti shpërblejë të gjithë ata që i bashkohen në aksionin e tij kundër një PD moderne, të pakorruptuar dhe aleate të partnerëve strategjikë.