Opozita e ka cilësuar “hajdut të pashpirt që e quan normale vdekjen e qytetarëve” kryeministrin Rama, i cili më parë reagoi duke i thënë se janë çetë e çakërdisur personazhesh qesharake me kostume serioze.
Me anë të një reagimi në Facebook, sekretari i përgjithshëm i PD, Gazment Bardhi ngriti pyetjen se dhe për sa kohë do të vdesin njerëzit pasi paratë nuk shkojnë për ndihmën e tyre.
“Vetëm një hajdut i pashpirt si ti mund ta quaj normale vdekjen e qytetarëve. Edhe sa njerëz duhet të vdesin vetëm e vetëm se ti refuzon të ndalësh vjedhjen dhe ti cosh paratë për paisje mjekësore, për shtim të stafit dhe kapaciteve mjekësore dhe për të ndihmuar qytetarët të blejnë ilaçet e shtrenjta antiCOVID”, shkroi Bardhi.
Më parë, Rama reagoi në Twitter për pyetjen se përse vetëvriten pacientët nga spitalet Covid në vendin tonë duke thënë: “Në Itali nga marsi në gusht janë vetëvrarë 71 persona me Covid dhe s’ka bërë vaki të merret opozita me këto tragjedi,po ju s’jeni opozitë, ju jeni një çetë e çakërdisur personazhesh qesharake me kostume serioze! Do kaloni dhe ju bashkë me Covidin,me dhimbje po do kaloni me dimrin!”.
/faxweb