Kryeministri Edi Rama kërkoi votën e shqiptarëve për të anëtarësuar Shqipërinë në Bashkimin Evropian.
Në rubrikën e tij “Sy m’sy”, kreu i qeverisë shqiptare u shpreh se më 11 maj duhet të krijohet një vetëdije përtej të majtës dhe të djathtës.
Rama ftoi të gjithë që më 11 maj të hedhin votën te PS, jo për t’u bërë socialistë, por për te krijuar nje vetedije pertej te majtes dhe te djathtes.
“Krijimi i vetëdijes që më 11 maj duhet të krijojmë një bllok kompakt përtej të majtës dhe të djathtës, përtej dasive partiake, përtej tifozllëkut dhe rendies së fanellave të partive është një domosdoshmëri dhe duhet ta krijojmë këtë vetëdije. PS është vendi aty te kutia nr 5 për të hedhur votën, jo për tu bërë të gjithë socialiste (larg qoftë), por për të mbështetur fuqishëm negociatat, për të krijuar kushtet që edhe në 12 maj, ata 1 mijë vajza dhe djem, që punojnë për negociatat të vazhdojnë pa asnjë lloj lëkundje që vjen nga impakti i votës.
PS gjendet në vendin e duhur dhe në kohën e duhur, si pikë referimi, sic gjendje PD në 1991 ku shumica dërrmuese ia dha votën.
Në 11 maj duhet masivisht me votën tek kutia nr 5 të konfirmohet ndarja përfundimtare me historinë e të qenit të lënë pas dore, të lënë pas dere”, tha Rama.
Rama shpjegoi edhe si do të ndahen fondet që vendi ynë përfiton nga Plani i Rritjes dhënë nga Bashkimi Evropian, duke theksuar se “kjo është një tjetër shenjë e qartë e faktit që ne jemi duke ecur me shpejtësi për tu anëtarësuar në BE”
“Bëhet fjalë për 64.5 mln euro që vijnë drejtpërdrejtë nga BE për Shqipërinë, 30 mln euro janë për buxhetin për mbështetjen e reformave dhe 34 mln euro kalojnë përmes fondit të investimit për infrastrukturë”, tha Rama.
