Në fund të fjalës së tij para nënshkrimit të kontratave për 10 familjet e Kombinatit që do të futen në banesë të re, kryeministri Edi Rama thumboi partinë Demokratike në lidhje me grumbullimin e qytetarëve në hapje të fushatës.
Ai u shpreh se shpreson që mitingun mbyllës, PD të mos përfundojnë duke e bërë te “Shefqet Ndroqi”.
“Lutem për ata që ishin te mitingu i Bashës. Shpresoj që të mos përfundojnë të bëjnë mitingun e mbylljes te Shefqet Ndroqi.
Fëmijët nuk votojnë, prandaj të rriturit kanë detyrimin e dyfishtë të votojnë për veten dhe fëmijët që u duhen shkolla si ato që po ndërtojmë ne.
Nuk u duhen shkolla që lëvizin sa fryn era dhe iu futet uji brenda, Nuk kanë derë dhe nuk kanë xhama.
U zgjata pak jashtë planit por jam i frymëzuar sot pasi sot është një ditë shumë e bukur për mua.
Nuk ka kënaqësi më të madhe se sa të mendosh se ke pasur një kontribut në lehtësimin për shumë gjyshër dhe gjyshe”, tha Rama.
