Kryeministri Edi Rama ndodhet në Paris dhe prej andej ka zbuluar takimin e parë që ka zhvilluar. Në një postim në mediat sociale, Rama shprehet se ka shkuar në shtëpinë e ish-presidentit të Francës Nikolas Sarkozy.
Kreu i qeverisë shton se këshillohet me Sarkozy për sfidat e Shqipërisë dhe rajonit, por dhe për zhvillimin ekonomik dhe integrimin europian.
“Me një mik special në shtëpinë e tij në Paris, presidentin Nicolas Sarkozy, me të cilin kam privilegjin të këshillohem për sfidat e Shqipërisë dhe rajonit tonë, në rrugën e zhvillimit ekonomik e social, e të integrimit europian“, shkruan Rama.
Ende nuk dihet arsyeja e vizitës së kryeministrit në Paris dhe axhenda e takimeve.
