Kryeministri Edi Rama ka pritur në zyrën e tij senatorë dhe kongresmenë nga Shtetet e Bashkuara të Amerikës të shoqëruar nga ambasadorja e SHBA në Shqipëri Yuri Kim.
Rama publikoi foto nga takimi në zyrën e tij, në llogarinë e tij në Facebook, ndërsa shprehet se miqësia dhe partneriteti mes dy vendeve po forcohet dita ditës.
“Kryeministria – Me senatorë e kongresmenë nga Shtetet e Bashkuara, në një rrugë miqësie e partneriteti që forcohet dita-ditës”, shkruan Rama.
Pas takimit me Ramën, 3 kongresmenët, Elissa Slotkin, David Valadao dhe Jake LaTurner, do të vizitojnë edhe selinë e Partisë Demokratike.
Një ditë më parë, ambasadorja amerikane, Yuri Kim tha se ata kanë ardhur në Shqipëri “për diskutime të rëndësishme me udhëheqësit shqiptarë”.