Kryeministri Edi Rama publikoi një video në Facebook ku informoi për të rejat më të fundit nga dy kantieret e ndërtimit në malet e Labërisë. Rrugët që do të ndërtohen sipas tij, do t’u mundësojnë shqiptarëve dhe turistëve mundësinë që të zbulojnë një nga pjesët më spektakolare të natyrës shqiptare.
“2 KANTIERET E REJA MES MALEVE TË LABËRISË, NJËRI SEGMENTI I TRETË I RRUGËS SË LUMIT TË VLORËS DHE TJETRI AKSI I RI MALOR GUSMAR-KUÇ, QË DO TË LIDHË TEPELENËN ME BREGUN E HIMARËS, BËJNË REALITET NJË ËNDËRR TË MOÇME, NJË TJETËR PREMTIM TË DHËNË NGA QEVERITË E SHUMË DEKADAVE, E MBI TË GJITHA MUNDËSINË E ZBULIMIT BRENDA NJË ORE NGA VETË SHQIPTARËT PËRVEÇSE NGA VIZITORËT E HUAJ, TË NJËRËS PREJ PJESËVE MË SPEKTAKOLARE TË NATYRËS SHQIPTARE
FALË KËTIJ INVESTIMI TË MADH NIS PËR TËRË KËTË ZONË PËRRALLORE EDHE KOHA E NJË EKONOMIE TË RE RURALE, KU NATYRA, HISTORIA, PRODHIMET BIO DHE MIKPRITJA TRADICIONALE, KTHEHEN NË MOTORËT E ZHVILLIMIT TË AGROTURIZMIT ME NJË OFERTË SENSACIONALE”, shkroi Rama në Facebook.
