Kryeministri Edi Rama, i cili ndodhet në Kalabri prej dy ditësh, ka marrë sot titullin “Qytetar Nderi” i Vacarizzo Albaneze, një prej komunave ku ruhen traditat dhe kultura arbëreshe.
Gjatë ceremonisë, kryetari i Bashkisë, Antonio Pomilo, vlerësoi rolin e kryeministrit Edi Rama në drejtimin e Shqipërisë.
Nga ana e tij, Rama përshëndeti komunitetin arbëresh, si dhe të gjithë qytetarët shqiptarë që janë zhvendosur në Itali pas viteve 90` dhe sot janë integruar duke ndërtuar të ardhmen e tyre në vendin fqinj.
Më pas, kryeministri vizitoi muzeun e kostumeve arbëreshe, i cili përmban veshje të komuniteteve të ndryshme arbëreshe.
