Partia Demokratike ka denoncuar kryeminisrin Edi Rama se në kohë pandemie ka udhëtuar me avion charter personal, duke shpenzuar miliona lekë nga arka e shtetit shqiptar.
Sekretari i Përgjithshëm i PD-së, Gazment Bardhi me anë të një postimi në rrjetet sociale shkruan se Rama ka udhëtuar drejt Francës në fundjavë në kulmin e krizës
“Për ç’arsye Edi Rama përdor avionin e shtetit shqiptar si plaçkë personale? Në këto ditë kaq të vështira për qytetarët si mundet që një kryeministër të shpenzojë për luksin e tij 100.000 euro të shqiptarëve për charter personal? Ndërkohë që ka ende shumë shqiptarë që presin të riatdhesohen ai përdor avionin e shtetit shqiptar për arsye personale. Si mundet që Kryeministri ta trajtojë shtetin si pashallëk dhe të plotesojë qejfet e veta për udhëtime turistike ndërkohë që shqiptarët janë më të varfër se kurrë?”, deklaron Bardhi.
Postimi i plotë
Për ç’arsye Edi Rama përdor avionin e shtetit shqiptar si plaçkë personale?Sekretari i Përgjithshëm i PD, Gazment Bardhi: Në kulmin e krizës kryeministri me charter për fundjavë në Paris
Ndërkohë që vendi është mbërthyer nga kriza, Edi Rama zgjedh të kalojë fundjavën në Paris. Duke shfrytëzuar avionin e Air Albania-s si charter personal, Kryeministri ka kaluar këtë fundjavë në Paris pa dhënë asnjë shpjegim apo njoftim zyrtar për arsyet e këtij udhetimi.
Për ç’arsye Edi Rama përdor avionin e shtetit shqiptar si plaçkë personale?
Në këto ditë kaq të vështira për qytetarët si mundet që një kryeministër të shpenzojë për luksin e tij 100.000 euro të shqiptarëve për charter personal?
Ndërkohë që ka ende shumë shqiptarë që presin të riatdhesohen ai përdor avionin e shtetit shqiptar për arsye personale.
Si mundet që Kryeministri ta trajtojë shtetin si pashallëk dhe të plotesojë qejfet e veta për udhëtime turistike ndërkohë që shqiptarët janë më të varfër se kurrë?
RAMAVIRUSI që ka shkatërruar ekonominë e shqiptarëve, që ka varfëruar dhe lënë të papunë shumicën e tyre, shpërdoron fondet publike për interesa personale.
Shqipëria nuk është pashalleku i Edit të Surrelit. Mosha dhe zullumet e kanë plakur autokratin në ikje, që po braktiset çdo ditë nga qytetarët e ndershëm shqiptarë.
