Rama s’iu jep të drejtën e fjalës furnizuesve të naftës: Në shtëpi nuk do shkoni me fitim, por me idenë që i shërbyet vendit në kohë lufte. Qeveria do të krijojë rezerva nafte përmes Albpetrol

Rama:

Brenda paradites së nesërme do të duhet të na bëni me dije 5 përfaqësuesit tuaj, nesër pasdite Bordi do të mblidhet, mirë do të jetë që mbledhja të jetë me prezencë fizike, pastaj mbledhja do të ndiqet me zoom, ne e dimë që nuk funksionon tregu me caktim paraprak të çmimeve, por në këtë fazë qeveria do të thojë fjalën e saj të fundit.

Çdo pikë që ka një çmim të ndryshëm nga ajo që vendos bordio, do të humbasë pikën, kjo do të jetë e sanksionuar me ligj, pika do të merret për administrim nga shteti. Ne do të angazhohemi për të krijuar rezervat tona, duke përdorur Albpetrol, për të pasur aktorin e vetë për ditë të këqija.

Ne do të jemi në dispozicion për çdo ndihmë, në rast se furnizimi do të vështirësohet. Mbajtja e çmimit të energjisë në këto kushte, është një kosto  marramendëse për shtetin, larg qoftë që të rrisim energjinë, që të heqim taksën e qarkullimit nga nafta.

Do të ishte një barrë dërrmuese, për të lehtësuar një pjesë tjetër që ka më shumë mundësi, se pensionistët. Sot spekulimet nuk do të tolerohen, kush do të shkojë te pika e karburantit duhet ta dijë se çfarë po paguan, që nuk do të paguajë dikë që bën para në luftë në kurriz të tyre.

Në asnjë mënyrë nuk do të hyjmë në një rrugë pa krye, që do ti çojë furnizuesit në falimentim, ju nuk do të shkoni në shtëpi me humbje, por nuk do të shkoni as me fitim. Ju do të shkoni në shtëpi në darkë, me idenë që i keni shërbyer vendit në kohë lufte.