Kryeministri Edi Rama është takuar me ministrin për Europën dhe Çështjet Ndërkombëtare të Republikës së Austrisë Michel Linhart.
Gjatë takimit është diskutuar mbi bashkëpunimin dypalësh si dhe përshpejtimin e procesit të integrimit në Bashkimin Evropian.
Në njoftimin e kryeministrisë thuhet se Rama i ka shprehur falënderimet ministrit për mbështetjen e Austrisë si mbështetëse e palëkundur të Shqipërisë në rrugën e integrimit evropian.
“Kryeministri Edi Rama me ministrin Federal për Europën dhe Çështjet Ndërkombëtare të Republikës së Austrisë, Michael Linhart ku diskutuan mbi bashkëpunimin dypalësh si dhe përshpejtimin e procesit të integrimit në Bashkimin Evropian. Mirënjohje Austrisë, mbështetëses së palëkundur të Shqipërisë në rrugën e integrimit evropian”, njofton kryeministria.