Të enjten qeveria do të prezantojë planin financiar për të kompensuar të gjithë punëtorët në sektorin privat që me mbylljen e bizneseve për shkak të situatës së koronavirusit rrezikojnë të mos paguhen në fund të muajit.
Në postimin në rrjetin e tij social kryeministri Edi Rama nuk jep detaje për numrin e bizneseve, punëtorëve, nëse paga e kompesuar do të jetë e plotë apo vetëm minimalja?! E vetmja garanci që kreu i qeverisë jep është se askush nuk do të mbetet rrogë në fund të muajit.
EDI RAMA
KRYEMINISTER I SHQIPERISE
Të gjithë atyre që janë në shtëpi pas mbylljes së aktivitetit ekonomik, të rrinë të qetë dhe bëjnë durim. Nuk do të vijë fundi i muajit pa pagën e gjithkujt ndër ju që qëndron në shtëpi si pasojë e mbylljes së biznesit ku punon.
Premtimi i kryeministrit është për të mos lënë asnjë qytetar në përballimin e vështirësisë financiare pas mbylljes së shumë aktiviteteve private në përballjen me koronavirusin, si lokalet, restorantet apo mjediset e jetës së natës.