Kreu i qeverise Edi Rama, ka rikthyer edhe një herë në vëmendje gabimin që u bë gjatë ndeshjes Francë-Shqipëri më 7 shator 2019, me ngatërrimin e himnit të Shqipërisë.

Gjatë fjalës së tij të mbajtur në Konferencën e Sigurisë në Mynih, Rama nuk nguroi të ngacmonte presidentin Macron, i cili ishte i pranishëm në sallë, duke thënë se francezët pasi ngatërruan himnin shqiptar me atë të Andoras, e kuptuan gabimin dhe i kërkuan falje Armenisë. Kjo ka shkaktuar të qeshura mes të pranishmëve në sallë.

‘Richard, faleminderit që nuk bëre të njëjtin gabim që bëre me disa të tjerë. Megjithatë, ndërkohë që po dëgjoja gabimet që po bëje, po mendoja për disa gabime shumë më të mëdha. Kur Shqipëria luajti futboll në Paris, i vunë himnin e Andorrës. Të gjithë u çuditën. Pastaj, francezët e kuptuan që kishin bërë gabim dhe i kërkuan ndjesë Armenisë që kishin vënë himnin e gabuar. Kështu që faleminderit, por ka dhe më keq’ ka nisur fjalën e tij Rama.

Subscribe kanalin tonë në Youtube për të mos humbur asnjë video të re