Nënkryetar i grupit parlamentar të Partisë Demokratike, Luciano Boçi gjatë një lidhje në Skype për Fax News ka folur për aktualitetin politik dhe zgjedhjen e Presidentit të ri.
Boçi i ka bërë thirrje Alibeajt të pranojë për tu ulur në tryezë me Grupin e Rithemelimit në mënyrë që Partia Demokratike të bashkohet dhe të dalë me një kandidaturë të unifikuar për president. Gjithashtu Boçi nuk kurseu kritikat ndaj mazhorancës e cila sipas tij ka “uzurpuar” të gjitha institucionet, por nënvizoi faktin që “Ramës i ka hyrë frika” për shkak se në Shqipëri po kthehet opozita e fortë.
“Ende nuk janë përcaktuar hapat që do të ndiqen. Procesi ecin në dy rrugë, pjesa e procedimit parlamentar dhe politik. Negociatat për presidentin në radhë të parë janë të karakterit politik këtë përcakton edhe kushtetuta. Nuk është negociata as dëshirë e mazhorancës apo donacion ndaj opozitës por është detyrim i mazhorancës për të gjetur president konsensual.
Mazhoranca zgjedhja e presidentit – “Kushtetuta duhet lexuar mirë si duhet zgjedhur presidenti që përfaqëson unitetin e popullit. Mos harrojmë që mazhoranca mori revanshin e saj ka kapur gjitha institucionet e pavarura në Shqipëri dhe kushtetuese. Asnjë kështjellë s’ka ngelur pa u kapur vec presidencës. Raundi i tretë ose i katërt presidenti mund të zgjidhet me shumicë të thjeshtë. Por kjo nuk është zgjidhje pasi kriza politike duhet të zgjidhet. Jemi në bisedime me mazhorancën për emrin e presidentit. Mazhoranca nuk ka të drejtë për të zgjedhur një president nga sirtari i saj por të jetë përfaqësues i unitetit politik dhe i popullit. Kemi një bashkësi politike në raport me interesat e mëdhaja të vendit. Mazhoranca ka kapur gjitha institucionet se kapi edhe presidencën nuk ka ndonjë çudi e madhe.
Nuk e njohin grupin e rithemelimit – “Një frikë e madhe ka kapur mazhorancës në raport me aksionin politik brenda PD që po kthehet në një opozitë të vërtetë për të bërë opozitë të fortë. Pjesën tjetër të refuzimit të njohjes e konsideroj si opinion për të vazhduar dëshirën për të futur përcarjen ose axhendën personale brenda PD që sjellja e mazhorancës me komiisonsin e rithemelimit nuk është e njëjtë. Duan të mbajnë të gjallë përcarjen e PD për interesat e PS dhe karrierave personaleve që dukshëm mund ta shikoni në këtë situatë politike.
Ribashkimi i PD- Momenti që po kalojmë tani për zgjedhjen e presidentit është unifikimi i qëndrimeve me bylykbashin dhe të kemi një produkt të përbashkët. Presidenti nuk zgjidh gjithçka por duhet të përdoret një element përbashkimi të atij gruipi të vogël që vijon me axhendën personale. Alibeaj si deputet mund t’i bashkohet grupit të negociatorëve për zgjedhjen e presidentit. Deri tani kjo ka rënë në vesh të shurdhët por përpjekjet tona do të vazhdojnë për të për të parë bashkimin. Ata po marrin vendime që të shtyjnë përcarjen. Ne duam të bashkojmë PD-në”, tha Boçi.
në Facebook, klikoni Join Group
…
/faxweb
