Kompania prestigjioze e vlerësimit Moody’s ka bërë rishikimin periodik të treguesve ekonomik ku evidenton risqet e larta të ekonomisë shqiptare.
Moody’s thotë se ekonomia shqiptare ka një vlerësim B1dhe është e kufizuar nga një sërë faktorësh: ajo është një ekonomi e vogël e ekspozuar ndaj risqeve, ka një shkallë diversifikimi relativisht të ulët krahasuar me vendet e tjera, një borxh të lartë publik, varësi të madhe nga finacimet me skemat e PPP si dhe shkallë të lartë te euroizimit.
Ndërsa politikat fiksale mbeten me vlerësim negative. Por qeveria dhe opozita e lexojnë në mënyra të ndryshme këtë raport. Sipas ministres Anila Denaj, kompania vlerëson pozitivisht ekonominë edhe pas emetimit të eurobondit.
Plotësimi më i fundit, që Moody’s i bën vlerësimit të Shqipërisë, ruan të pandryshuar renditjen e Shqipërisë në B1, pas emetimit të suksesshëm të Eurobondit në muajin Qershor të këtij viti. Vlerësimi i qëndrueshëm, thekson me pozitivitet dhe me renditjen më të lartë ndër indikatorët, ecurinë e institucioneve dhe qeverisjen e vendit. Moody’s sjell në vëmendje të investitorëve veçanërisht angazhimin e vendit në rrugën drejt Bashkimit Evropian, angazhim i konfirmuar edhe nga Këshilli i Bashkimit Evropian në muajin Mars të këtij viti.
Ndërsa ish deputetja Jorida Tabaku, thotë raporti më i fundit i Moody,s nuk ka bërë asnjë renditje pozitive. Sipas saj kompania ka evidentuar gjendjen aktuale, pasi nuk ka një vlerësim nga komiteti I ekspertëve.
Raporti i fundit i Moody’s nuk ka bërë ASNJË renditje pozitive (si thotë vete Moody’s sepse nuk ka pasur qellim renditjen) por vlerësimin e ekonomisë. Ashtu si raportet e tjera ekonomike nga FMN tek OECD flasin për një kalbëzim të qeverisë nga korrupsioni. Moneyval flet për pastrimin e parave dhe e ka klasifikuar Shqipërinë në listën gri, Banka Botërore dhe BERZH raportojnë për një krizë të thellë ekonomike dhe recesion me 9% rënie. Në vend që të pranojë dështimin dhe të marrë masa për të ndihmuar njerëzit dhe ekonominë qeveria vazhdon avazin: vjedh dhe gënjen.
Qeveria thotë se përpjekjet për të ulur borxhin publik, si një nga risqet kryesore të ekonomisë, do të bëhet në bashkëpunim me institucionet
