Home SHQIPERIA Raporti i OKB-së/ Teliti: Shqiptarët do të varfërohen edhe më tej dhe Shqipëria do të vazhdojë të shpopullohet

Raporti i OKB-së/ Teliti: Shqiptarët do të varfërohen edhe më tej dhe Shqipëria do të vazhdojë të shpopullohet

0
Raporti i OKB-së/ Teliti: Shqiptarët do të varfërohen edhe më tej dhe Shqipëria do të vazhdojë të shpopullohet

Ndajeni këtë artikull me të tjerë duke klikuar ikonat më poshtë

Anëtari i Këshillit Kombëtar, Dorian Teliti, ka reaguar për raportin e OKB-së mbi nivelin e të ardhurave vjetore të qytetarëve shqiptarë.

 

Duke iu referuar OKB-së, Teliti thotë se ata shqiptarë, që aktualisht jetojnë me më pak se 5.5 dollarë në ditë, do të varfërohen më tej. Ai ka shprehur shqetësim për përfundimet e raportit dhe kërkon marrjen e masave urgjente për të mbrojtur shtresat e ekspozuara.

 

“Vendi ynë, sipas të njëjtit Raport, bën pjesë në një grup me Kirgistanin, Moldavinë, Mongolinë dhe Taxhikistanin, të cilat do të varfërohen përgjatë këtij segmenti të ardhurash ditore.

Partia Demokratike i pret me shqetësim përfundimet e raportit dhe kërkon marrjen e masave urgjente për të mbrojtur shtresat e ekspozuara. Qeveria duhet të ulë antenat e propagandës, të pranojë faktet dhe, mjaft më me kokën drejt oligarkëve, por të kthehet nga populli.

Në linjë me sugjerimet e OKB Partia Demokratike vihet në mbrojtje të jetës dhe dinjitetit të shqiptarëve.

Kërkojmë në mënyrë urgjente:

· Një paketë mbështetëse direkte në llogaritë e familjeve në nevojë, pensionistëve dhe familjeve me të ardhura të ulëta mujore.

· Subvencione të drejtpërdrejta për sektorët në rrezik të ekonomisë, për të mbrojtur shëndetin e tyre dhe vendet e punës.

· Shkurtimin e taksave të rritura ndër vite në kurriz të konsumatorit dhe bizneseve shqiptare, ku e para që të shkurtohet të jetë taksa e rritur me 24 leke/litër mbi karburantin.

Pa një reagim dhe një paketë masash, shqiptarët do të varfërohen edhe më tej dhe Shqipëria do të vazhdojë të shpopullohet”, theksoi ai.

Ndajeni këtë artikull me të tjerë duke klikuar ikonat më poshtë