Presidenti Ilir Meta e nisi ditën e sotme me një sulm të radhës ndaj gazetës “”, duke shtrembëruar ndër të tjera një raport të Komitetit të Parlamentit Evropian për Çështjet e Jashtme lidhur me publikimin e Fake News dhe Dezinformimin në Ballkanin Perëndimor në kohë pandemie.
Sipas raportit që nisej kryesisht nga analiza e të dhënave nga Facebook, tregohet se në rrethin e mediave të nivelit më të lartë ka raste që shpërndajnë dezinformim.
Edhe pse presidenti nxiton në tentivën e zakonshme që të manipulojë, mbase dikush duhet t’ja lexojë në anglisht për të kuptuar se ajo që hap faqen e Shqipërisë në këtë raport është prodhimi i fakenews nga syri.net apo siç dihet ndryshe media pranë xhepit të tij.
Shembull për këtë është marrë rasti i publikimit të lajmit të rremë se 1 300 kontenierëve me mbetje toksike po vijnë fshehurazi në Shqipëri i cili alarmoi mbarë opinionin publik ku i përfshirë ishte këshilltari i tij personal Ilir Kulla.
“Këto raporte publikoheshin kryesisht nga Syri.net, një burim kryesor i lajmeve në internet i lidhur me Partinë Demokratike, e cila pretendonte se qeveria e Ramës kishte lejuar importin e 1.300 tonë mbetjesh toksike që u zhdukën nga Italia në fillim të vitit 2018”, thuhet mes të tjerash në raport.
Pikërisht këtë lajm ku është i implikuar drejtpërdrejt këshilltari i Metës, raporti i PE e merr si shembull për të ilustruar atë ç’ka ndodh me fake news në Shqipëri.
Sa i përket nxjerres në pah të këtij manipulimi mediatik, ekspertët e Parlamentit Europian që kanë hartuar raportin marrin si referencë pikërisht një shkrim të publikuar nga gazeta “” e cila çmontoi në kohë të gjithë skenarin e opozitës dhe ish kryetarit të LSI-së Ilir Meta.
Ndonjë nga këshilltarët me shumicë, lutemi që t’ja lexojë presidentit raportin e Brukselit, ku gazeta “” veç të tjerash cilësohet si media me reputacion të lartë për gazetari investigative dhe të pavarur. (tema)
