Ish kryeministri Sali Berisha ka vijuar akuzat ndaj kundërshtarit politik, për të cilin shprehet se ka tjetërsuar vullnetin e qytetarëve në zgjedhjet lokale.
Këto akuza vijnë gjatë pasyqrimit të raportit të përgatitur nga “Rithemelimi” për zgjedhjet e 14 majit.
Ish kryedemokrati e akuzon kryesocialistin Rama se përdor pushtetin për t’i shpëtuar ndëshkimit nga aferat korruptive në të cilat është përfshirë.
“Soros e shpall atë vëlla dhe yll të stabilitetit vetëm e vetëm që mund të lehtësojë pozicionin e tij para drejtësisë së SHBA dhe në Shqipëri në kohën e duhur, përpjekjet do të dështojnë, Është në hetim kriminal për krimet që ka kryer, krimi më i madh i jetës së tij është shkatërrimi i procesit zgjedhor.
Sot ai është më i rrezikshëm se kurrë, përdor postin e kryeministrit për ti fryrë konfliktit në rajon. Vendosi sanksionet ndaj Kosovës dhe e bëri për lëkurën e tij, korriku është përvëlues për të, por në shumë tetori, procesi i McGonigal”, tha ai.
Ish kryeministri deklaroi gjithashtu se gjetjet e këtij raporti do të publikohen edhe në Amazon, me qëllim që vjedhja e zgjedhjeve të njihet ndërkombëtarisht.
