Një burrë i moshuar në Misuri u akuzua të hënën për plagosjen e një adoleshenti afrikano-amerikan i cili trokiti në derën e tij pa e kuptuar se ishte në adresën e gabuar, tha prokurori lokal i qarkut.
Andrew Lester, 85 vjeç, akuzohet për dy krime, njëra prej të cilave mbart një dënim të përjetshëm, tha Prokurori i Qarkut Clay, Zachary Thompson.
Ndërkohë, qindra protestues kërkuan drejtësi për Ralph Paul Earl, 16 vjeç, i cili u plagos në kokë dhe krah nga plumbat e Lesterit dhe është në gjendje kritike, tha Ben Crump, një avokat i njohur që mbron viktimat afrikano-amerikane të dhunës.
Prindërit e adoleshentit i kishin kërkuar që të merrte vëllezërit e tij binjakë 13-vjeçarë nga një shtëpi në Kansas City. Ralph mori adresën e gabuar dhe shkoi në shtëpinë e gabuar. Pronari i shtëpisë qëlloi në drejtim të adoleshentit nga dera e përparme, tha halla e tij Faith Spoonmoore.
Ajo e përshkroi Ralph Paul Earl si një fëmijë të zgjuar dhe të këndshëm që dëshiron të bëhet inxhinier kimik.
Rasti shkaktoi tronditje dhe zemërim në të gjithë SHBA-në, me shumë të famshëm që shprehën pikëllimin e tyre për incidentin.
“Më thyhet zemra kur mësova” për incidentin që përfshinte djalin 16-vjeçar, i cili aksidentalisht trokiti në derën e shtëpisë së gabuar”, shkroi aktorja Halle Berry në Twitter, duke i kërkuar prokurorit të rrethit të vepronte.
Protestuesit u mblodhën të dielën jashtë shtëpisë ku mbeti i plagosur adoleshenti dhe kërkuan që sulmuesi të akuzohej për sharje racore, raportoi radiostacioni lokal i Kansas City, KCUR.
Policia konfirmoi se ata iu përgjigjën një telefonate pak para orës 22:00 të së enjtes mbrëma duke deklaruar se Earl u dërgua në spital në një gjendje kritike.
“Informacionet që kemi aktualisht nuk tregojnë se ky veprim ka pasur karakter racist, hetimi vazhdon. Por si shef policie, unë e njoh natyrën raciste të këtij rasti”, tha të dielën shefi i policisë së Kansas City, Stacey Graves.
Presidenti amerikan Joe Biden foli me adoleshentin me telefon dje, të hënën, dhe “shprehu shpresën e tij për një shërim të shpejtë”, tha Shtëpia e Bardhë.
Incidentet e të shtënave të përgjakshme janë të zakonshme në SHBA, një vend me rreth 330 milionë banorë dhe rreth 400 milionë armë zjarri.
Jarl u qëllua disa orë para se katër persona të vriteshin dhe të paktën 28 të tjerë të plagoseshin, kryesisht adoleshentë, në një tjetër të shtëna në një festë ditëlindjeje të shtunën mbrëma në Alabama.
Gjithashtu në shtetin e New York-ut, autoritetet njoftuan dse një grua 20-vjeçare u qëllua dhe u vra në makinën e saj kur u hutua dhe u fut në parkingun e shtëpisë së gabuar.
Pronari 65-vjeçar u arrestua dhe u akuzua.
