Senatorja demokrate në SHBA, Elissa Slotkin ka lëshuar një reagim zyrtar mbi situatën e tensionuar dhe aktet e dhunës të shënuara gjatë ditëve të fundit në Shqipëri, duke reaguar ndaj shqetësimeve të ngritura nga qytetarët amerikanë me origjinë shqiptare.
Përmes një postimi në rrjetet sociale, senatorja Slotkin theksoi se e drejta për të protestuar dhe llogaridhënia institucionale janë gurë themelorë të demokracisë:
“Gjatë ditëve të fundit, kam marrë një sërë thirrjesh të shqetësuara nga banorë të Miçiganit lidhur me dhunën në përshkallëzim në Shqipëri, mes vendeve të tjera evropiane. Populli shqiptar ka të drejtë të protestojë paqësisht dhe të kërkojë llogari nga zyrtarët e tyre të zgjedhur.”
Over the last few days, I’ve gotten a bunch of concerned calls from Michiganders about the escalating violence in Albania, among other European countries.
The Albanian people have the right to protest peacefully and hold their elected officials accountable. Likewise, the Albanian government has a duty to uphold the rule of law, protect protestors against the excessive use of police force, clean up corruption, and respond to citizens’ concerns. I urge both sides to do all they can to deescalate and find a peaceful way to move forward.
— Sen. Elissa Slotkin (@SenatorSlotkin) October 20, 2026
Duke u ndalur te detyrimet e ekzekutivit shqiptar, ajo bëri thirrje për respektimin e standardeve ligjore dhe shmangien e çdo forme të tepruar të forcës policore:
“Në mënyrë të ngjashme, qeveria shqiptare ka për detyrë të respektojë sundimin e ligjit, të mbrojë protestuesit kundër përdorimit të tepruar të forcës policore, të pastrojë korrupsionin dhe t’i përgjigjet shqetësimeve të qytetarëve. I bëj thirrje të dyja palëve të bëjnë çmos për të ulur tensionet dhe për të gjetur një rrugë paqësore për të ecur përpara.”