Vendimi i Parlamentit të Maqedonisë për ndryshimin e emrit të
vendit është imponuar nga jashtë dhe nuk pasqyron vullnetin e popullit, tha
Ministria ruse e Punëve të Jashtme, me përfundimin se kjo çështje duhet të
konsiderohet nga Këshilli i Sigurimit të Kombeve të Bashkuara.
“Ajo
që ne shohim është një vazhdim i procesit artificial të ndryshimit të emrit të
vendit, i cili është imponuar nga jashtë, në mënyrë Shkupi të tërhiqet në NATO sa më shpejt që të jetë e
mundur”, u tha në një deklaratë.
Ministria e Punëve të Jashtme të Rusisë e shpall këtë qëndrim
pasi kujton se më 11 janar Kuvendi maqedonas votoi ndryshimet kushtetuese për të
qenë në përputhje me Marrëveshjen e Prespës, prej së cilave u sanksionua dhe
ndryshimi i emrit.
Deklarata gjithashtu tërheq vëmendjen për vazhdimin e
protestave s në Shkup dhe qytete të tjera të Maqedonisë, duke gjykuar është një
tregues i polarizimit të thellë të shoqërisë.
“Është
e qartë se një metodë e tillë e zgjidhjes së çështjeve me rëndësi kombëtare për
të ardhmen e vendit nuk pasqyron vullnetin e popullit të saj dhe nuk mund të
shërbejë si një instrument për zgjidhje afatgjate të problemit të emrit të
vendit”, vijon deklarata, duke theksuar kundërshtimin e
ndryshimit të emrit nga një pjesë e opinionit, si dhe nga vetë presidenti
Ivanov, e patjetër dhe nga opozita.
Deklarata më pas vë në dukje faktin dhe të efekteve në qeverinë
qeverinë greke, duke kujtuar dorëheqjen e ministrit të Mbrojtjes Panos Kamenos,
për mospranim të marrëveshjes mbi emrin. Sipas Kremlinit, kjo shton rreziqet e situatës
e mund të minojë stabilitetin dhe sigurinë në Ballkan.
Moska vë në dukje se zgjidhja e mirë-balancuar për problemin e
emrit të këtij vendi duhet të gjendet “pa
presion nga jashtë, me mbështetjen e gjerë të publikut dhe vetëm brenda kuadrit
ligjor”.
“Ne
mendojmë se kjo çështje duhet të shqyrtohet nga Këshilli i Sigurimit të OKB-së,
në përputhje me nenin 3 të Rezolutës 845 te Këshillit të Sigurimit të OKB-së“, përfundon deklarata e Ministrisë së Jashtme
ruse.
Por ka reaguar menjëherë Athina, e cila së fundi ka patur dhe
fërkime me Moskën, duke i kujtuar kësaj të fundit se “Kushtetuta greke ka ligje të qarta që rregullojnë çdo ngjarje të
mundshme politike të këtij llojoi dhe nuk i nënshtrohet
komenteve të palëve të treta”.
“Ky
qëndrim nuk kontribuon në marrëdhëniet historike dhe miqësore midis Rusisë dhe
Greqisë dhe popujve të tyre”, thuhet më tej në deklaratë.
