Lëvizja Vetëvendosje ka reaguar pas vendimit që ka mori Gjykata Supreme për të lënë jashtë listës së kandidatëve për deputetë Albin Kurtin. Sipas saj, ky vendim i kundërvihet aktgjykimit të Gjykatës Kushtetuese. Partia opozitare thotë se ekziston një përpjekje për pamundësimin e zgjedhjeve që do të mbahen më 14 shkurt ndaj ajo nuk do të bëjë ankesë në Gjykatën Kushtetuese.
“E pamë vendimin e fundit të Gjykatës Supreme. Ky vendim i kundërvihej aktgjykimit të Gjykatës Kushtetuese. Zgjedhjet do të mbahen më 14 shkurt, ndonëse ka përpjekje për pamundësimin e tyre. Ankesa në Gjykatën Kushtetuese do t’u jepte shpresë këtyre përpjekjeve. Lista jonë me 110 kandidatë garon në referendumin e 14 shkurtit. Vazhdojmë me aktivitetet tona drejt fitores plebishitare” – thuhet në reagim.