Rebani Jaupi do të jetë drejtori i ri i Policisë së Tiranës.
Jaupi u prezantua këtë të hënë nga vetë drejtori I Përgjithshëm, Ardi Veli gjatë një takimi me shefat e komisariateve dhe drejtueve të policisë.
Emërimi i Jaupit në krye të policisë së kryeqytetit erdhi pas lirimit nga detyra të Kastriot Skënderajt.
Shkak I largimit të Skënderajt nga detyra u bë përplasja e policisë me disa banorë tek Petro Nini.
Por lëvizjet në policinë e kryeqytetit nuk mbaruan me kaq.
Mësohet se krahas emërimit të Jaupit ka pasur lëvizje dhe në radhët e komisarëve.
Pal Marku, shefi i Komisariatit nr.6 është liruar nga detyra dhe në vend të tij është emëruar Ardit Elmazi, i cili mbante këtë detyrë në komisariatin nr.3.
Ndërkohë në krye të komisariatit nr.3 është emëruar Robert Losha.
Losha më përpara mbante detyrën e shefit të krimeve po tek komisariati nr.3.
