Zviceranët votuan në një referendum të dielën për të ndaluar veshjen e burkës në restorante, dyqane dhe vende të tjera publike.
Më shumë se 52 përqind e votuesve votuan për ndalimin. Deri në pasditen e së dielës, 19 nga 22 kantonet në të cilat u numëruan votat vendosën ta bëjnë këtë, raportojnë mediat
Zvicra ka gjithsej 26 kantone.
Ndalimi është parashikuar në Kushtetutë dhe do të zbatohet në restorante, dyqane dhe vende publike. Ligje të ngjashme ekzistojnë tashmë në Austri, Hollandë dhe Francë.
Në letër, ndalimi përgjithësisht i referohet mbulimit të fytyrës, që do të thotë edhe huliganë futbolli, por ligji u propozua nga një grup i krahut të djathtë, anti-islamik që nuk e fshehu qëllimin e tij të vërtetë, shkruan agjencia DPA.
Një dekadë më parë, i njëjti grup, Komiteti Egerkingen, qëndroi pas një referendumi që ndalon ndërtimin e minareve të reja.
Kritikët e akuzojnë atë për promovimin e Islamofobisë dhe argumentojnë se ndalimet e veshjeve nuk duhet të ekzistojnë në një shoqëri të lirë.
Vlerësohet se muslimanët përbëjnë 5.3 përqind të popullsisë zvicerane.
Gjykata Evropiane e të Drejtave të Njeriut vendosi në 2014 që ndalime të tilla nuk shkelin të drejtat e personave për lirinë e fesë ose shprehjes.
Zviceranët gjithashtu votuan të dielën për të krijuar një kartë dixhitale ID, të cilën ata e refuzuan, si dhe një marrëveshje të tregtisë së lirë me Indonezinë që uli tarifat për vajin e palmës të prodhuar në mënyrë të qëndrueshme, të cilën ata e pranuan.
