Situata e krijuar me prishjen e Teatrit Kombëtar vuri jo pak në diskutim vazhdimësinë e Reformës Zgjedhore, për të cilën ka dhe një afat dhe që nuk është çudi të jetë pengesë e madhe e raportit të Qershorit të Komisionit Europian për Shqipërinë.
Ndaj, diplomatët e huaj në Shqipëri filluan lëvizjet e tyre. Sigurisht më active ambasadorja amerikane, e cila zhvilloi tre takime me Ramën dhe më pas me Bashën, ndërsa nuk arriti dot një bisedë me Metën për shkak të axhendës së tij, por sigurisht u takua me këshilltarët e tij.
Gjithsesi, opozita doli me qëndrim tjetër këtë të premte, duke pohuar se ishte Rama që kërkoi minimin e reformës, me prishjen e Teatrit.
“Kthimi i opozitës jashtëparlamentare në tryezën e Reformës Zgjedhore një kthesë për t’u përshëndetur! Më mirë vonë se kurrë dhe inshallah këtë herë deri në mbylljen e këtij procesi të stërzgjatur, sepse koha nuk pret dhe me vullnet të mirë mund të arrihet shpejt në consensus” shkruan Rama në Twitter.
