Regjimi sirian njoftoi kryerjen e një shkëmbimi të burgosurish me Izraelin të ndërmjetësuar nga Rusia, njoftoi agjencia e lajmeve e regjimit SANA.
“Po punohet për lirimin e qytetarëve sirianë të Golanit të okupuar sirian nga burgjet e okupatorit izraelit”, shkroi SANA.
Duke cituar burime anonime, agjencia tha se shkëmbimi i ndërmjetësuar nga Rusia “përfshin lirimin e dy sirianëve, Nihal Al-Maqt dhe Dhiab Kahmuz, në këmbim të një vajze izraelite, e cila u arrestua nga autoritetet siriane pasi ajo hyri gabimisht në rajonin Quneitra në territorin sirian”.
Autoritetet izraelite ende nuk janë prononcuar lidhur me lajmin.
