FIFA ka shpallur renditjes e saj të parë zyrtare pas Kupës së Botës dhe pikërisht rezultatet aty dhe formula e re e përdorur nga FIFA i jep vendin e parë kampionëve të botës, Francës.
Vetëm tre pikë është distanca ndaj Belgjikës me të cilën u përball në gjysëmfinale ndërsa Brazili zbret në vendin e tretë. Me një ngjitje prej 16 pozicionesh është ngjitur në vendin e katërt finalistja e botërorit, Kroacia.
Të tjera skuadra që janë ngjitur në renditje janë Uruguaj, Anglia, Danimarka dhe Rusia që ka edhe rritjen më të madhe me 21 pozicione.
Ndërsa Gjermania ka humbur kreun e renditjes duke zbritur në vendin e 15të ndërsa zbritjen më të madhe e ka Egjipti me 20 vende.
Nuk ka asnjë lëvizje në renditje për kombëtaren shqiptare, e cila pozicionohet në vendin e 58të dhe e njëjta situatë edhe për Kosovën që mbetet e pozicionuar në vendin e 141të./Berati.TV
