FIFA ka përditësuar renditjen e re të kombëtareve dhe për Shqipërinë e drejtuar nga Edoardo Reja nuk ka asnjë lëvizje.
Kuqezinjtë, që së fundmi u mposhtën nga Franca dhe triumfuan me Islandën, mbeten në vendin e 64-t në renditjen e FIFA-s për muajin shtator.
Kosova vazhdon me trendin rritës, por këtë herë ka ngjitur vetëm një shkallë.
Dardanët tashmë pozicionohen në vendin e 119-të në botë. Në renditjen e re të FIFA-s vihen re lëvizje edhe në podium, teksa Franca është ngjitur në vendin e dytë.
Belgjika ruan kryesimin, kurse Brazili tashmë renditet në vendin e tretë.
Portugalia ka parakaluar Uruguain dhe mban vendin e pestë.
Spanja është ngjitur me dy pozicione (vendi i 7-të), kurse Kroacia dhe Portugalia kanë humbur nga një vend. Rënie edhe për Gjermaninë (e 16-ta), që parakalohet nga Italia.